王敏奕處女拍劇勁緊張
導演麥曦茵、演員王敏奕（Venus）及新進男子組合Playtime日前出席微電影《IT's青春》首映，為此片編導的麥曦茵表示對網上點擊率有信心:「Trailer擺咗上網兩日已有過萬點擊率。」
而在曾志偉監製的無綫劇集《Aerobic Girls舞室保衛戰》內飾演李麗珍少女版的Venus，則表示首次拍劇十分緊張：「拍之前要同大人版多啲相處同溝通，同李麗珍見咗兩次面，初時安排咗一間房好尷尬，唔知點開始，不過佢好nice、好有活力，佢話我哋最似係講嘢時對眼都會望上面。（有冇過你兩招拍劇心得？）未開始教，不過之後佢哋排戲我都會睇，同埋會請毛舜筠嚟教我哋做戲。」