陳靜眼神演戲獲讚

陳靜與邵音音在新片《迷離夜》再度合作，二人笑言戲中最多戲份是「打小人」，大家都打到手軟。陳靜奪金像獎「最佳女配角」後是否收「新片酬」？她說：「酬勞好滿意嘅，但套戲係我拎獎前接落。其實最開心係陳果搵我演出，冇酬勞都冇問題，最重要有機會同佢合作。」
陳靜開心搵到屬於自己嘅電影路。
陳靜開心搵到屬於自己嘅電影路。

邵音音大讚陳靜戲中的演出：「佢要透過眼神做出怨恨、憤怒同無助，演得好出色。」陳靜以o靚模身份殺入娛圈，幾年間演技已獲認同，她說：「我覺得自己好幸福，行咗一條屬於自己嘅路，我都係從電影入面搵到自己嘅路，以前都唔認識自己，依家搵到令我繼續奮鬥嘅目標，過程係艱辛，但每份工都係辛苦，最重要係面對同進步。」在旁的邵音音有感而發表示：「人係要向上，你一、兩年就紅咗。我經歷咗幾十年，以前我一接受訪問，一定係講我做肉彈同艷星，你比我幸福好多啦。」

邵音音大讚陳靜有演戲細胞。
  • 邵音音大讚陳靜有演戲細胞。