苟芸慧30歲雙失搵女陪食

與郭富城緋聞鬧得熱烘烘的苟芸慧，昨日適逢30歲生日，要出席公開活動的她要於工作中度過不夠慘，最慘是未獲城城祝賀，另如中了「不瘦降」的她愈減愈肥失去纖體代言續約機會，頓成「雙失肥苟」，肥苟只好化悲憤為食量，等不及稍後與好友伍詠微慶祝，昨晚她完了宣傳活動，即偕另一好友簡慕華到又一城先購物後擦意大利菜。

悶爆擦意菜

肥苟昨晚到又一城先扮靚整頭髮，再與簡慕華研究邊部戲啱睇，不過最後都不合心水，只好轉戰Shopping，期間還做「人肉布景版」與影迷合照，即使見到記者追訪都請飲咖啡，表現友善，不過都掩不了沒有城城陪慶生日之失落，最後與簡慕華擦意大利菜。

苟芸慧搵好友簡慕華相伴，兩女悶爆往擦意大利菜。

雙失苟芸慧生日也要於工作中度過。

肥苟自與城城傳緋聞後首次過生日，但昨被追問城城可有祝她生日快樂時，她諗了一陣才說：「佢應該唔得閒！」死撐表示無失望，她說：「我收到好多祝福，我好lucky，近期咁多事發生，收到好多人真心嘅關心。」

fit爆陳煒取代苟芸慧為纖體公司代言。

陳煒在廣告中性感上陣。

讚陳煒好fit

由於她近日體重有增冇減而失去纖體廣告續約機會，改為陳煒取代，肥苟對此稱：「唔知，要問公司！不過佢（指陳煒）好fit好nice，畀佢我都覺得好開心！（唔覺得hurt？）點解要hurt！係我就係我，唔好咁執着！（生日願望？）想同家人旅行同埋考潛水牌，（唔係想減肥成功？）睇化晒！都係同自己比較啫！」至於陳煒以6位數字接任肥苟為纖體公司代言，並強調自己冇搶：「公司只係想有新鮮感！佢係公主感覺，今次公司想搵高貴性感先搵我！」

文：影視組　攝：追蹤組