祖兒讚鄭俊弘表現專業
天后容祖兒（Joey）前晚在將軍澳電視城為《勁歌金曲》錄影，其經理人霍汶希、練舞師High King和歌曲監製舒文亦有出席，四人將在節目中會討論「如何打造一顆星」。Joey表示有留意在無綫的藝人歌唱比賽節目《星夢傳奇》，對鄭俊弘的演出，她謂：「好surprise佢咁專業！（推薦公司簽佢？）我睇到公司都睇到，唔使我推薦啦！」
提到張名雅以她的歌《華麗邂逅》參賽，但被作曲兼評判的Eric Kwok狠批，Joey就為張名雅解畫：「首歌係有難度嘅，我自己都錄咗幾日。首歌係Eric作畀初戀女友，佢有要求都應該嘅！（佢揀錯歌？）好難講，參加比賽又唔可以揀太易。」之後，Joey亦指初出道曾被監製鬧喊：「佢鬧我識唔識唱歌，我即刻個心裂咗，返到屋企喊！」問到Joey會否有興趣擔任歌唱比賽評判，她就謙稱：「我都唔識，同埋我詞彙唔夠呀，驚做多幾集會詞窮！」
