林建明關心 安慰欣欣

江欣燕與老公Jackson驚爆離婚消息，欣欣與眾好友組成的「至八會」，成員好友林建明和曾華倩等亦大表關心，其中林建明昨日接受訪問時說最近多次聚會都有安慰欣欣，感到她仍很sad和很愛Jackson：「我一個月前已知，會多啲安慰佢，最緊要佢開心，其實世事難料，離婚都未必唔好，不過，最近佢兩公婆嘅事，對我都造成少少不便，因為欣欣有三幅畫喺我工作室，我工作室又要清場，都唔知叫唔叫佢攞走好！」至於曾華倩說會尊重欣欣的決定，是否感到可惜？華倩說：「佢哋兩個都係大人，只係適當時候做適當嘅事。」