陳嘉寶爆好友甩拖跳跳紮
o靚模陳嘉寶是糖妹認識多年的閨中密友，對於好友失戀，她接受電話訪問時表現愕然：「吓？唔知喎，我哋近期都忙緊拍無綫劇，又要記劇本又要排舞，忙到冇時間傾私人嘢，我又唔覺得佢唔開心喎，一樣咁跳跳紮。」
近日和糖妹合作拍電台節目的小肥，接受長途電話訪問時，同樣稱不知糖妹甩拖：「最近成日同佢一齊做嘢，唔覺得佢有異樣喎，之前佢嚟澳門我仲WhatsApp問佢喺邊，事後都擔心佢男友呷醋，原來佢哋分咗手？」小肥稱不會刻意致電糖妹追問，怕問人一次，傷人一次。問他可有留意Dominic的露股寫真？小肥驚訝說：「嘩！咁搏？我冇興趣喎。」
和糖妹同屬一間唱片公司的歌手王若琪，在電話中表示因工作忙，近期少跟糖妹傾電話，現知好友失戀會致電了解，又覺得糖妹分手不失為好事：「佢工作都好忙，依家可以專心工作。」