莊思敏百足寶寶擁鞋過千
名模莊思敏昨日出席鞋履騷，她自爆擁有逾千對鞋，數量多到要將部分存倉，自封為百足寶寶的她認真當之無愧！但因衞生問題，故不會考慮捐鞋。
由香港貿發局假灣仔會展舉辦的「香港時裝節春夏系列」昨日正式開鑼，名模莊思敏（Jacquelin）為鞋履騷擔任嘉賓，她自封百足寶寶，非常喜歡買鞋，她說：「我讀書時玩田徑，書枱下面有四對鞋，成日畀人投訴亂擺。」問她現擁有多少鞋時？她坦言有逾千對，每對價錢由幾百至幾萬元不等，由於數量龐大，故部分要存倉：「其實真係着唔到咁多，有啲入左倉幾年都無拎出黎着。我舊年想拎番啲皮靴出嚟着，但啲皮都有少少變咗。」至於會否考慮捐鞋？Jacquelin認為鞋比較貼身，顧慮到衞生問題，所以不會捐，她笑言：「我成日都着鞋唔着襪ｏ架！好在我同妹妹着鞋既size一樣，所以可以交換着。」
接喜劇演女警
另外，對於余文樂在社交網站中直斥緋聞被利用作電影宣傳，Jacquelin不以為然：「有電影上就會多咗宣傳，大家就會留意多咗電影主角嘅私生活，呢個係一個套餐，其實導演只係想人哋講部戲，而唔係演員嘅私生活。好似之前我拍葉念琛套戲，咁啱同葉念琛傳緋聞，大家都只係講導演有冇監場，而唔係講部戲。我就冇所謂，當為電影宣傳囉！」Jacquelin透露正接拍一套警匪喜劇，在戲中飾演女警，所以她不可以把頭髮染得太誇張。
Lea T.唔講啟山
至於霍啟山緋聞模特兒女友Lea T.為香港理工大學畢業學生時裝表演行騷，她透露計劃到西班牙旅行，但未知公司會否放人，問她是否與啟山同行？她否認：「唔係，同朋友。（有冇同啟山聯絡？）有。（知唔知啟山哥哥霍啟剛就快成為父親？）我唔知，唔想講關於佢嘅事，想尊重佢哋私隱。（啟山想低調？）我唔知，你問佢，我唔想代佢講嘢。」
文：名人組