無綫女藝員林秀怡入行後不乏拍劇機會，21歲的她曾飾演女警及保護證人組，對此她即發揮幽默本色，自嘲是早熟「老顏」所致。
秀怡在播放中的劇集《熟男有惑》中飾演單戀單立文的秘書，因對方喜歡已故女星「神探俏嬌娃」花拉科茜，秀怡每日以勁爆復古造型取悅對方，對男仔頭的她來說實在是挑戰：「我啲打扮好60年代，有同事見到我以為我開民初劇！（覺得自己咁打扮靚唔靚？）即刻變咗個女人囉！但其實有啲人妖Feel，可能我十年後個樣係咁！拍呢套劇好似開懷舊Party咁！」