陳敏之與阮兆祥日前冒着炎熱天氣，到尖沙咀一個熟食檔拍攝新劇《My盛Lady》，劇情講述敏之與祥仔約會，遭惡霸調戲、爆樽，幸獲祥仔成功護花。敏之坦言現實中也曾獲男士挺身護花，她說：「我細個試過被人撩，當時有男同學保護我，我覺得男性會認為咁樣做好man。（你覺得呢？）睇邊個啦，如果對佢有feel嘅都會好受落嘅，冇feel就最好唔好。但我大個咗已經好少去夜店，連大牌檔都少去，情願買外賣返屋企食，想有多啲私人空間。」
由於現場空氣翳焗，西裝骨骨的祥仔不停抹汗，他說：「我依家好似焗緊桑拿咁，做演員冇計啦，工作人員都同我哋一齊熱，比起拍古裝，呢身戲服已經好幸福！」他又指從未試過英雄救美，他說：「身為公眾人物，我喺外面好少惹事，所以我英雄救美、同人打交嘅次數係零！讀書時代有人撩我，我就閃，但作為男人，有事我一定挺身而出。」