黃長興的法國餐廳雖然生意不俗，現時更計劃開分店中，不過長興坦言對娛樂圈都甚有期望，希望努力做出成績。至於婚後還未有小朋友的他，坦言努力中，更希望生對twins。
前香港先生黃長興入行7年，近年更搞法國餐廳生意，成績不俗，更計劃開分店，上年已結婚的他，還被誤會會放下娛樂圈事業，專心搞餐廳生意，不過長興一直都有拍劇，現時正拍攝梁材遠監製的《守業者》。
長興否認只會專心生意，對娛樂圈還有野心的他謂：「我想繼續做好自己，做出成績。」 長興坦言婚後的確放少了時間於娛樂圈事業上，他說︰「依家我會再操fit啲，再講好啲中文，乜嘢角色都會嘗試吓。」雖然要拍劇，但長興每日都會留於餐廳，親力親為打點一切，問他會否分配到時間時，他謂︰「分配到，我鍾意忙碌，之前喺法國嚟香港都預咗。」現時拍攝《守業者》的他，飾演康華的丈夫，當中有不少喊戲，問到拍民初劇對他來說會否太難？他謂︰「都係，不過呢套劇我同馬浚偉、麥長青合作，佢哋都好好，會肯提點我，我都想聽吓人哋嘅意見。」
此外，長興結婚時坦言想快些生小朋友，問到有成績未時，他笑言︰「我每日返屋企都好期待老婆話我知佢有咗嘞！依家仲努力中，依家老婆多留喺屋企，養尊處優，我哋都好鍾意小朋友，我仲好想生twins添！」