官恩娜鹹濕女狼 胸襲關楚耀

官恩娜(Ella)和關楚耀(Kelvin)齊齊出席活動,近日操得一身結實胸肌的Kelvin 更在眾目睽睽之下慘被Ella「抽水」用手又「篤」又摸,嚇得Kelvin高呼:「你變態o架?」

官恩娜連同關楚耀昨日一同現身銅鑼灣鬧市,出席手錶店活動,大會更安排近三十位性感打扮的男女模特兒同場搞氣氛,部分女模特兒更以比堅尼上陣,性感爆燈,引來大批途人爭相拍照,場面墟冚。

Kelvin全力操肌

近日為演唱會狂操體能的Kelvin,雖然在活動中沒有除衫騷肌肉,但仍難掩結實胸肌,連在旁的Ella都忍不住在大合照時出言輕薄:「你個胸係全場最大,仲大過啲女仔。」隨即就用手又「篤」又摸Kelvin心口,被「抽水」的Kelvin只能無奈向Ella表示:「你變態o架?」

事後Kelvin稱很久未見Ella,笑言想不到甫碰面她就如此「狼死」。近日因準備個唱而全力keep fit的他,對於Ella指他胸大過女仔表示:「冇留意呀,我淨係掛住操,冇度過,今日嚟之前都做完Gym。」同時又稱個唱門票將於今日(9日)公開發售,他說:「我成個禮拜都好緊張,聽日都會去巡吓,應該都會買番少少送畀朋友。」

巨胸超過四十吋

當眾「鹹豬手」Kelvin的Ella則表示:「好耐冇見佢,之前佢都冇咁Fit,今日見到開心咪摸吓囉。」更以一副專家口脗估計Kelvin的胸圍:「我估超過四十吋,一定大過我,仲搶埋其他三點式女仔風頭。」Ella又稱知道Kelvin為了演唱會而練大隻,所以亦打算自掏腰包買飛支持Kelvin。

文:音樂組