Jeana Mia聯手寸黃榕Out

藝人Jeana和Mia日前帶同師弟趙勁皓（King），為有線節目《熱浪奇招運動會》擔任嘉賓，玩得非常投入的Jeana和Mia更不顧走光危機俯身做掌上壓，非常賣力，落敗的Jeana亦願賭服輸，用衫夾夾面受罰。

今年書展又有一大班o靚模推出寫真，作為前輩的Jeana和Mia，齊聲炮轟今年寫真集製作求其、無主題、無新鮮感、模特兒質素差。提到黃榕今年的寫真再次露點玩cream，Jeana明顯無好氣謂：「佢上年都話露o架啦！又玩呢啲，好冇新意！」Mia亦大彈黃榕冇嘢睇：「佢上年連底褲都除埋，仲有乜嘢好睇？」

黃榕慘被寸爆再玩露點及玩cream零創意。

放大圖片

風氣變差

至於另外兩位o靚模梁晶晶和孫旗的寫真甚少外景照，Jeana即謂：「太求其啦！加上啲女仔成日都係嗰啲樣同嗰啲pose，點解我仲要睇？反而男模仲有吸引力。」而Mia又斥照片無美感：「都唔似寫真，似私影同普通生活照！」

趙碩之直指有o靚「見錢開胸」。	Mia日前為有線節目《熱浪奇招運動會》擔任嘉賓。	趙勁皓示範健身，大騷手臂肌肉。

此外，元老級寫真模趙碩之早前為造型師好友拍攝一輯靚相，照片以黑色為主，性感誘人。不屑再參與寫真戰的她，表示今輯相只為靚和潮流，並非為錢，她同樣認為今年寫真戰風氣變差，更暗示一眾o靚模為錢不惜拋胸露肉，不過她就大讚Jeana是近年最有voice的o靚模。

文：影視組