陳嘉容被要求做愛慘受污辱

陳嘉容（Eunis）一直有在微博上載自己的近況，跟粉絲們分享她的生活和工作點滴，日前她上載了數張穿上低胸晚裝裙的花絮照片，豈料竟惹來狂迷的性騷擾。狂迷在Eunis的微博上留言表示很喜歡她，很需要她，希望可以跟她ML（make love）一次，更說出與粗口同音字眼，內容相當露骨，Eunis看後大感驚慌，同時也十分憤怒。

向微博檢舉

Eunis說：「第一次遇到呢啲事，好驚，唔知有咩可以做到，第一時間同公司講，等公司嘅同事幫我向微博檢舉同埋block咗呢個人。我唔敢回應佢，鬧佢驚反而會沒完沒了，又唔想好似潑婦罵街咁，我家姐叫我唔好理佢，但係我已經驚到呢幾日都唔敢玩微博。如果再受到騷擾，我一定會報警備案，當係保障自己嘅安全。我都想畀大家知道呢個咁衰嘅人，佢令我覺得心靈上畀人污辱，佢咁做好變態，講嘅嘢亦好侮辱同埋唔尊重女性，愈諗愈嬲。」

出入搵人陪

Eunis又謂她的微博是用來跟粉絲溝通的渠道，沒想過會惹來狂迷的性騷擾，她說：「感覺比較被動，有啲咁嘅人都避免唔到。（驚唔驚會畀狂迷跟蹤？）原本唔驚，覺得香港好安全，不過如果真係發生呢啲事都唔知點算，所以依家出入都盡量搵人陪，尤其係夜晚，同埋唔會單獨去啲僻靜嘅地方。（買防狼器？）都考慮緊買個防狼器傍身。」

文：名人組