謝婷婷留後路 翻撻安志杰

謝婷婷與安志杰（Andy）四年情宣布玩完，婷婷前晚亮相全新BMW 3系Gran Turismo盛大派對，首度開腔回應分手一事。明顯消瘦的婷婷，在受訪期間不時停頓和眼泛淚光，問她現時心情如何？她低聲表示仍在適應中，有為分手而哭過，問到分手原因？她沒有正面回答，只說不是外間所傳的原因：「我哋好辛苦先做到呢個決定，係和平分手，絕對冇第三者！」

至於有傳她早前才跟新歡到菲律賓旅遊？她即作出澄清：「當時啱啱分手，係我自己一個去做瑜伽。（點解咁愛對方仲要分手？）兩個人一齊耐咗，有好多原因可以導致分手。」並否認傳聞所指因Andy不上進及只顧打機，還力撐Andy工作量比她還多。至於會否復合？她停了停說：「真係唔知。（有冇同Andy傾過復合？）自己同自己傾過囉！（想再一齊？）一段咁長嘅關係唔係話放低就放低，唔會好似機械人咁個掣就冇事。」

安志杰	謝婷婷受訪期間不時眼泛淚光。	謝婷婷、余文樂與寶馬集團香港及澳門進口業務部總經理Linus Schmekel（左二）及寶馬汽車有限公司香港區董事總經理曾耀民（左三）合照。

余文樂拒車震

對於Andy取消了對她Instagram的關注，婷婷指自己起初沒有取消，但現在都取消了，因看到對方的消息會感到心痛。問是否仍深愛對方？她肯定表示：「Yes！ Of course！我呢段關係最長。（仲會喊？）有時。（依家單身？）係！（Ready新戀情未？）未！」

同場的余文樂就透露去年送車給父親作生日禮物，對女朋友亦可以如此慷慨，問會否跟女友車震，他說：「會車佢，但唔會車震。」

對於婷婷「不捨」宣言，安志杰懶得回應：「我甚麼都不想講！」記者繼續追問，他則以「瞓緊覺」為由匆匆收線！謝賢對於女兒謝婷婷出席記招眼濕濕似放不低跟安志杰的感情，他表示：「佢傷心點解咁遲走呀！（婷婷話仍然深愛Andy？）你叫Andy檢討吓自己啦！」

文：名人組