林德信爆瘡唔溝女

林德信昨日出席護膚品活動,問到可有送護膚品給緋聞女友松岡李那和陳妍希?他笑言:「佢哋大把贊助,送畀我就差唔多。反而好多會畀細妹用,佢見我喺髮型屋整頭化妝,話我貪靚過佢。」他坦言18歲讀大學時,曾因滿臉暗瘡而欠自信,不敢識女仔,最後要看醫生才能根治。

早前松岡說不介意和他及陳妍希三人行,林德信則言:「係咩,都試過一次我哋三個人一齊做嘢,(私下三人行呀?)唔會啦,佢哋兩個都好忙,冇時間見面。」