廖偉雄開戲 寫「畢業論文」
藝人廖偉雄在70年代拍無綫劇集《網中人》飾演「阿燦」一角走紅，惟於90年代中他毅然淡出娛樂圈從商，近日卻有意復出拍戲：「演技係嚟自生活，所以我要走出娛樂圈去經歷吓。」最近阿燦有意開拍以「大圈仔」為題材的電影，將影片當是自己的一篇論文：「做咗呢行咁耐始終都要畢業。（再拍劇？）太辛苦喇，頂唔順，依家冇十個鐘瞓都唔掂。」至於會否客串過過戲癮，則要視乎劇本而定。
他又自爆快將做公公：「阿女有咗五個月，就嚟生。」即將第一次抱孫的阿燦卻淡然的說：「都係一個歷程，戥佢哋開心，要湊大一個BB唔係一件簡單嘅事。」暫時未知是孫仔定孫女，說到改名，他認為應交由女兒去改。