舒淇肖像常被騙徒利用
日前舒淇到澳門出席意大利品牌活動，擔任代言人的舒淇向ontv透露早前為品牌拍攝廣告，她笑言：「我之前幫品牌拍廣告，本來諗住可以飛到意大利、西班牙等地取景，咁我就可以順便去歐洲旅行，點知最後喺北京拍攝，令我有啲失望，哈哈！」她又透露近日忙於拍攝電影《聶隱娘》，因不停轉景，經常要坐6、7小時車，令她pat pat受苦。
早前舒淇被內地脫毛膏盜用其肖像，她向ontv坦言已不是第一次被人利用：「都唔係第一次，之前有人利用我哋拍戲嚟招募臨時演員，話一日有二千五至五千蚊人工，一睇就知唔係，唔知有咩企圖，如果想演戲嘅人一定要小心，尤其女仔一定要搵男仔陪，太危險，太多陷阱，依家社會太亂，啲人直情明目張膽，令我特別驚。」