楊焉求愛（舌累）飯應

浸大E神楊焉（Carol）前晚出席Hair Show時打扮密實，她表示早前生日搞遊船河P：「我23號25歲生日，同一班男女朋友去，都有着比堅尼。（有冇叫叻哥陳百祥？）冇，我驚唔夠酒水供應畀佢。生日願望係工作順利，多啲嘢做。（搵個男朋友？）我都想，唔使靚仔、唔使富二代，最緊要係錫我。」她又表示有收看無綫真人騷《求愛大作戰》，對女參賽者表現「猴擒」，她說：「人嘅天性，個節目令佢哋發揮真性情。（男參賽者係你嘅對象？）如果係Thomas、Rocky同阿佳嘅混合版都OK呀！（有傳遲啲搞個星級版？）嘩，（舌累）飯應啦，可以識多啲朋友吖嘛！」