李泳豪終極飄移高手較量

李泳豪的父親李家鼎（鼎爺）是騎馬高手人盡皆知，李泳豪同樣是高手，不過就由「馬」變成「車」。賽車多年的豪仔，早前在佛山參與「易修斯飄移挑戰賽2013」贏得B組冠軍，技術有目共睹！

速度感大滿足

豪仔說：「小時候受媽咪同漫畫影響，一直對賽車感興趣，直到2009年經朋友介紹先正式接觸。講真，坐喺車上，飄移嘅速度感令我有非常大嘅滿足感。」除了為興趣，他說亦是為了一技傍身：「拍嘢好多時都會接觸到車，亦可能有汽車特技，識多樣嘢學咗有幫助。」

李泳豪賽車了得，在佛山出賽更贏得分組冠軍。

放大圖片

一杯水測飄移

豪仔直言飄移能夠到新加坡或馬來西亞比賽，是其最終目標：「每年都有一個Formula Drift喺嗰邊舉行，算係終極站，到時世界各地高手雲集，希望可以去見識吓，同埋都計劃緊去日本拜師學藝！」

此外，豪仔更希望可以拍攝一部有關車的電影，一展身手。問到有否試過學漫畫般，將一杯水放在車內，測試飄移後會否瀉水？豪仔就笑言：「暫時未試過呀，有機會都想試吓。」不過，豪仔不忘提醒大家要到空曠的地方飄移：「最好當然係去正式嘅賽車場，因為有足夠嘅安全設備同地方夠大，出意外嘅機會都會大大減低。」

文：影視組