詩詩護子丹 冇獅子開大口

「宇宙最強」甄子丹太太汪詩詩，昨日與妹妹圓圓及媽媽Jennifer一同出席護膚品牌SK-Ⅱ活動，詩詩透露老公將接拍幾套荷里活電影，她說：「我唔想佢咁辛苦，我話算啦，畀人做，但佢太熱愛電影。（子丹掛住拍荷里活片而唔接《葉問3》？）老公畀咗六個月期拍，但一直冇下文，唔可以再拖。（有傳係子丹獅子開大口要五千萬片酬而搞到拍唔成？）唔知點解有呢個傳聞，有啲荷里活片片酬仲高，但角色要中國人做壞人，佢好正義，所以推咗。（唔拍《葉問3》，佢有冇覺得可惜？）冇呀，佢覺得葉問電影一定要同葉偉信導演合作先係the best！（佢不滿黃子桓做導演？）唔知喎。」