阿叻鬥水輸畀豬B

無綫的「Amazing Summer」將有連串的節目和市民共度夏日，早前陳百祥、薛家燕、關菊英、黃智雯等就遠赴長隆水上樂園拍攝節目《長隆旅遊度假區特約：反斗紅星放暑假》。叻哥對馬的認識堪稱專家，但今次長隆之旅叻哥卻被野豬BB考起！

發揮認叻本色

化身魔鬼教練的叻哥，要將野豬BB訓練為全能「鐵豬」，入水能游、出水能跳！一向拉開頭馬的叻哥，今次變為拉豬，訓練牠行直線時，豬B不斷四圍行，叻哥氹極唔掂，場面搞笑！之後叻哥又換上泳衣訓練豬B游水，叻哥一句唔該便擲豬B落水，之後自己跳埋落水，怎料豬B泳術了得，三兩下便捷捷領先，叻哥只能緊隨其後，努力追趕！叻哥指這不是首次與豬同游：「喺巴哈馬同野豬游過啦！（豬慘叫，唔人道？）我初初都奇怪點解嗌得咁淒厲，其實只係佢嘅叫聲係咁，一抱就嗌，好似BB咁，唔怕出街畀人投訴！」雖然被豬B游贏自己，但叻哥繼續發揮認叻本色：「一般人做唔到，以我咁聰敏先得！」

豬B游得相當快，叻哥追極都追不上。

放大圖片

另一邊廂，家燕姐就在動物園落力氹孔雀開屏，家燕姐到場時出盡絕招，先餵雀食蟲，又在牠們面前跳舞。

薛家燕（左起）、陳庭欣及陳自瑤跳舞氹孔雀。

黃智雯餵雀食嘢嚇到震。