Elise底褲笠面博上位
今年寫真戰約半個月後便開戰，加入不少新鮮面孔的o靚模組合冬甩繼續出寫真迎戰，日前眾人則穿性感比堅尼拍攝寫真App，成員Elise更揚言會倣效日本少女以底褲笠頭谷宣傳，認真搏命！
o靚模組合冬甩雖然熟悉面孔如Rainbow等已被OUT出局，並加入不少新血，但今年繼續玩寫真戰，除出書迎戰其他胸模外，更推出手機App寫真，實行軟件及硬件兩路吸引宅男。日前，四位成員陳芷敏（Elke）、陶嘉瑩（Elise）、鄭安那（Biona）及金慧君（KamKam）到柴灣拍攝寫真App。
Elke唔使剝
當日四女換上四個造型，當中Elise、Biona及KamKam等更換上比堅尼騷雙峰，相當性感，惟Elke則有「免脫金牌」，未有穿比堅尼上陣，事後她解釋入行以清純作賣點，故今次的寫真均未見有泳衣look。提到眾人是否擔心寫真戰玩到悶，怕冇人於書展買寫真而搵定後路推出寫真App，四人否認︰「當然唔係，向來都唔擔心銷量，只係想擴闊市場，等大家可以有唔同渠道睇到我哋嘅寫真。」
留意騎呢招
至於近期有日本女仔倣效日本電影《變態超人》笠底褲上面博人氣上升，Elise笑言有留意這事，更指有意於寫真戰中出此騎呢招谷宣傳，她笑說︰「自己平時有留意日本嘢資訊，覺得呢招行得通，所以唔介意咁做，最緊要大家鍾意。」
文︰專案組