碧咸（David Beckham）與老婆Victoria密密到中國宣傳，又上節目又出席活動，相信是次中國之行豬籠入水，難怪向來Cool爆的Victoria笑到見牙唔見眼，更被司機影相放上網！
Victoria上次未有陪咸爺到中國宣傳，今次雖然也是前後腳到埗，不過二人於此行就形影不離，除了一同出席活動外，亦手拖手一同上節目大晒恩愛。昨晚咸爺就上載Victoria罕有的大笑相，相中身穿黑色背心的Victoria笑到見牙唔見眼，與她一向不苟言笑的形象非常不同。咸爺更留言說：「看，我跟你說她笑了。」大騷恩愛！
而身為時裝設計師的Victoria，前晚與咸爺上中央電視台受訪後，便一同去看京劇。她昨日先後出席了自家時裝品牌的活動宣傳，亦到北京服裝學院演講。不過她亦不忘抽空陪老公，更於twitter放相大騷夫婦二人合照。Victoria亦不時於twitter報告行蹤，除了早前一落機便分享二仔羅密歐（Romeo）於機場的廣告相外，同時亦分享旅途中的點滴，連司機的背影也拍下來，更指司機帶白色手套似爵士樂手。於傍晚時分Victoria又於微博晒幽默本色，戴上喱士兔耳頭飾自拍，又形容為北京賓尼兔。
文：外娛組