Diva增磅升Cup誓吸乾宅男
o靚模許珮榆（Diva）去年簽約成為「爆Ｅ超蓮」鍾采羲（Iris）和林宜芝（Monna）師妹，由於她擁有甜美面孔兼魔鬼身材，獲公司力捧推出寫真集，出征加入今年寫真戰，希望吸乾宅男荷包！早前Diva以比堅尼上陣拍攝硬照，只見她身材十分均勻，身材高挑擁有長腿，而宅男「焦點」的事業線，雖然她刻意將「秘密武器」用小背心半遮半掩，但只要她輕輕將身軀向前傾，並將背心拉低，胸前導彈身材呼之欲出，相當誘人。
遭公司嫌棄太瘦
不過Diva自爆原來曾被公司嫌棄太瘦，拍照片時會顯得無美感，一度考慮將其推出寫真集的計劃擱置，幸而最後她逼自己在３個月內增肥10磅，才成功爭取出寫真集的機會，她說：「初時聽到可能出唔到都好失望，唯有化悲憤為食量。」她更自爆因增肥令上圍升Cup，她說：「個個都要減肥，但係我就要反傳統增肥，諗起都好好笑，我依家大食到可以參加大胃王比賽添呀！睇返啲相終於明白太瘦真係唔靚，增肥仲令我上圍大咗一個Cup，我好滿意依家嘅身形，不過公司仲想我再肥多５磅。」
文：專案組
