鍾舒漫考牌成功 抓老闆送車

鍾舒漫（Sherman）昨早九時許現身鴨脷洲香港駕駛學院考車牌，雖然遇上黃色暴雨及雷暴警告，幸好考試時間短暫放晴，加上Sherman的駕車天分，最終1 take pass。當她得知合格後，尖叫之餘更立即打電話報喜，相信是向Steven update最新成績。

笑張致恒包尾

身為教徒的Sherman表示考試前已祈禱但求合格，更大叫救命：「起身見到咁大雨都有啲驚，考嗰時仲好緊張，係到大叫神啊，救命！」原來她曾與同門的泳兒、洪卓立及Steven發起鬥快考車牌比賽，她更唔畀面取笑「包尾」的Steven說：「依家得番Steven未考到，佢輸咗，唔理佢囉！不過佢都有鼓勵我嘅。」

鍾舒漫考車時心情緊張。

得知合格後，鍾舒漫即打電話報喜。

載家人周圍去

Sherman稱會開始物色新車，問會否向老闆楊受成要求送車？她笑言：「我會喺老闆面前『挹挹抰抰』，特登講吓車，睇吓抓唔抓到部車，哈哈。」對於本報獨家披露謝霆鋒豪擲500萬買勞斯萊斯房車送給父親謝賢，她自稱目標不及師兄霆鋒遠大：「呢個目標太遠大喇，我要求好簡單，純粹想平平哋買架車代步，車屋企人周圍去。」

文：音樂組