龍小菌甩罩賀壽

蒙面歌手龍小菌昨晚趁自己生日，於發迹地旺角行人專用區首度除罩公開演出，獲約200名歌迷撐場。由於活動開始前忽然下雨，歌迷要狼狽開傘，期間龍小菌貫徹嚇人風格，穿白衫撐着白傘的她突然現身人群中，甚有女鬼feel。
龍小菌以真面目示人，並獲送上生日蛋糕。
龍小菌以真面目示人，並獲送上生日蛋糕。

之後龍小菌表示：「之前經理人已經叫我除罩，叫我唔好搞一個人革命，不過我唔肯，後尾畀一個失聰歌迷影響，想畀視覺效果佢睇。」提到有雜誌早前拍到她和經理人邵子風拖手，龍小菌即扮傻死口不認：「邊個男朋友？我依家冇拍拖。」

經理人邵子風一直陪伴龍小菌表演。
  • 經理人邵子風一直陪伴龍小菌表演。