梁漢文大局為重舞照跳
梁漢文（Edmond）日前與太太Karen及郭偉亮（Eric Kwok）夫婦到蘇梅島度假，玩獨木舟跳落水時遭尖石「劏腳板」受傷。昨日Edmond傷後首度現身，聯同方力申及藍奕邦出席「仁濟安老送關懷‧愛心福米賀回歸」活動，Edmond竟穿波鞋「一拐一拐」到場，他笑言：「要襯衫嘛！」不過最後Edmond亦除掉鞋展示他腳傷。
Edmond稱腳板上傷口約四吋長，幸沒有傷到筋骨，返港後即時給醫生檢查，傷口未有發炎。問到可需拆線？Edmond謂：「有啲線係慢慢溶，有啲就要拆，呢個星期五會去檢查多次。」Edmond表示最慘是22到24號要為雷頌德演唱會做嘉賓，緊接又與BIG FOUR去悉尼登台。問腳傷點跳舞？Edmond無奈說：「都要跳o架，唔想因為自己改動太多嘢。（唔怕跳爆線？）唔會啩！」講到之前張衞健母親入院和蘇永康又撞車，像諸事不順？Edmond即言：「冇嘢，個個大步檻過。」
小方拍拖花心機
另方力申稱下月可能再返內地拍劇，問是否無暇拍拖？小方笑言：「拍拖唔需要好多時間嘅，心機就要。」至於過氣緋聞女友鍾欣桐甩拖，小方即言：「唔講呢啲啦！」
文：音樂組