苟姑娘認愛「滾」讚城城fit

藝員苟芸慧、梁烈唯、楊秀惠等昨出席微電影活動，苟姑娘最近被拍得在上海食麻辣火鍋，似與出名愛「滾」的緋聞男友郭富城志趣相投，她回應：「我未同過佢打邊爐，嗰日係郭晉安吹雞，我跟去啫。」她強調與城城沒聯絡，問她日後會否不敢去打邊爐？她說：「同成班朋友打邊爐好開心。之前見城城啲相好fit，係我要keep fit啫。」
楊秀惠性感小背心上陣，令人眼前一亮。
楊秀惠性感小背心上陣，令人眼前一亮。

唯唯被問他不用試音便入圍《星夢傳奇》歌唱比賽，他說：「嗰陣試音期唔喺香港，之前都上過《勁歌金曲》、東華表演唱歌，佢哋知我唔會唱到趕客，同埋我又苦苦哀求佢哋收我。」被傳為內定三甲的他坦言對手太強，沒信心入三甲，只會盡力做好自己。

梁烈唯與苟姑娘（左）老友鬼鬼，拖手都唔怕傳緋聞。
  • 梁烈唯與苟姑娘（左）老友鬼鬼，拖手都唔怕傳緋聞。