諸葛紫岐佗馬B 老公獎賞贈良駒

諸葛紫岐（Marie）與Neway二太子薛嘉麟去年3月結婚，一直想有小朋友，可惜Marie曾不幸經歷小產之痛。雖然之後屢傳她懷孕消息，但都只是中空寶。向來乖巧、深得老公以及老爺奶奶疼錫的她，為了幫薛家開枝散葉，小產後努力調理身體，準備再佗BB做媽咪，更一心想在明年（即馬年）生B，結果皇天不負有心人，她終得償所願。

收祝福好開心

Marie昨日在微博留言：「日子一天一天過，責任也一天多過一天，雖然有些辛苦，但是心中還是有無限的期待和喜悅。」似暗示造人成功。據悉，Marie已懷有兩個多月身孕，除怕BB小器未能對外正式公布外，據知，向來愛妻如命的薛嘉麟，為慶祝如願成功造「馬B」，正計劃入紙做馬主，送名種馬給老婆作禮物，極具意義。其實Marie婚後已獲贈九肚山豪宅，如今有喜，老公當然錫到燶再送大禮。

婚後15個月報喜 當日諸葛紫岐坐大紅花轎嫁入薛家，如今終可為薛家添丁，可喜可賀。	圈中不乏愛馬之人，郭富城去年便當上馬主。	陳法拉

Marie昨日接受電話訪問，她未有否認懷孕消息：「收到祝福好開心。（BB幾多個月？）如果講得就一定會講畀大家知。（老公心情點？）老公好開心，佢不嬲都咁錫我，叫我唔好做嘢，停晒啲工作。（唔畀你做粗重嘢？）佢不嬲都唔畀我做粗重嘢。（口味有冇變？）都有，最明顯嘅係我成日都好攰，瞓極都唔夠，唔想郁，又冇咩胃口。（重咗幾多磅？）冇磅過。（有冇嘔？）冇嘔，我唔識嘔。（老公有咩獎勵？）唔講呢啲。」

延遲進軍樂壇

Marie又稱：「奶奶畀咗好多專業意見我，我同老公都學緊好多嘢，老公上網搵咗好多資料。」她曾表示今年會出唱片進軍樂壇，如今亦要hold住先。她說：「要延遲，做咗啲大事先，之後再搞，呢樣最緊要，而且唔只係我一個人嘅事。依家日常起居生活自己都會加倍小心。」

另外，她早前在微博上載生活點滴，其中一張相片攝於6月1日，即國際兒童節當日，她在北京街頭喝酸奶，似在為腹中BB慶祝兒童節。至於Marie妯娌陳法拉因身在外國進修，故未知她會否戥Marie開心。

文：名人組