張苡澂收百萬鑽飾慶皮婚
歌手張苡澂（Venus）與老公Michael早前慶祝結婚3周年（皮婚），在中環一間著名餐廳包場共享二人世界，她說：「老公知我鍾意食生蠔，特別準備咗5打！（收乜嘢生日禮物？）我估唔到佢咁大手筆，送咗我百萬鑽飾！」而Michael為表示對她的愛，特意在餐廳播放二人在海南島舉行婚禮的片段，她說：「我睇到好感動，仲喊咗出嚟！」
不過好戲在後頭，Michael為慶祝結婚周年紀念，早於半年前在美國French Laundry訂位，卻定於七月出發，她解釋：「佢經常都唔喺香港，有時一飛就成個月，可以兩個人靜靜地食一餐飯已經好心滿意足。其實佢真係好細心，因為我個姨甥女剛出世，知我想喺呢段時間留喺香港陪個妹坐月同幫手照顧BB女，所以先改七月旅行，佢真係知我心！」