陳欣健寫自傳 感激楊受成賞識
陳欣健為慶祝入行五十年，前晚在灣仔舉行《陳欣健娛樂你我五十年》之夜，與一眾好友及英皇歌手吳浩康、泳兒等大唱懷舊經典英文金曲，其他好友包括英皇集團主席楊受成博士、泰迪羅賓、鍾鎮濤、霍汶希、孫佳君等均有出席，陳欣健囡囡Joey亦有到場為爸爸打氣。
陳欣健大讚吳浩康和泳兒唱功了得，一直有推介兩人到內地出騷。他透露除要籌備在廣州舉行、以鄧麗君為主題的音樂劇外，又希望明年於紅館開騷，邀請不同年代的歌手將橫跨三代的音樂帶到舞台上。他又稱近日忙於寫自傳：「我以為自傳要就快死先寫，但睇見楊生（楊受成）咁好魄力同精神都寫，佢寫我，我冇理由唔寫番佢。（自傳有咩爆？）最勁嘅都畀楊生寫晒，楊生、林建名同趙世曾係我大哥哥，我學到好多嘢，楊生又好照顧我，當年套《喝采》都係多得佢肯投資。」
