周麗淇含蓄膞贏
入膊款式把亮點放於穿衣者的膊頭，故身形高挑、膊頭夠橫的女性穿得特別好看，至於膊頭較斜或有點肉地的姊妹們也不用擔心，入膊衫絕對唔蝦人着，時裝作家Janice認為最緊要花心思去配搭，例如加上誇張飾物如粗身bangle、誇張耳環，也能顯得時髦！Janice希望大家知道，身形不夠美的女性也可靠自信心搭夠！而今次Janice最喜愛周麗淇的造型，大讚她夠fashionable，同時又騷長腿，展現含蓄性感美。
周麗淇
「好fashionable，除咗件衫靚，依家髮型興簡約主義，好時髦，而紅唇亦係perfect match。紅撞黑色彩好強，搭配又夠硬朗，襯上型格首飾也是亮點。而開衩裙又能大騷其修長美腿，係含蓄嘅性感。」
樂基兒
「睇得出佢花過心思搭配，戴咗粗身嘅bangle，而且對高踭鞋款夠特別。唔係求其着條裙、着對鞋就見人。Gaile又曬得一身古銅膚色，着上白色裙零舍stunning，影相都搶鏡啲！」
高海寧
「條裙冇咩特別，反而個身材突出過條裙。將條裙着得靚，身材係唔可以咁突出，而高海寧身形就好葫蘆，畀人覺得好性感，十足性感美少女！」
吳雨霏
「不過不失，冇花心思去為造型styling，只係梳佢一向嘅髮型，化咗個靚妝，而冇去搭配特別嘅accessories。」
徐淑敏
「標準太太造型，通常都有一系列嘅穿衣守則：set斯文髮型、及膝裙、淡妝、粉紅色唇彩…唔會標奇立異，好大方得體。呢個風格好穩陣，貫徹始終。」
謝婷婷
「唔錯，條裙好淑女，女人味好重。其實婷婷年輕，可以走型格啲路線，有好多女性化造型都有型格感，不過佢條裙太長，加上set咗典型『太太』頭，顯得佢過分斯文同成熟。」
王麗儀（Janice Wong），一位時裝作家及博客（blogger），是16年前華語媒體中首位遠赴歐美時裝週報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。