李思捷拍老夫子預埋陳雅倫
李思捷憑節目《玩嘢王》令整個娛樂圈為之驚驚，亦成功掀起熱潮，不過思捷明言短期內將不會添食：「起碼隔一年，等人哋見到我唔好咁驚先。」事實上，被他在「終極一集」整蠱了的薛家燕亦逼他「金盆洗手」，不能再玩人。而一向諗頭多多的思捷亦將挑戰自我︰「今年8月會開拍電影真人版《老夫子》，我一向好恨怕一級片，好似迪士尼電影咁，老少咸宜，全世界都睇得。」
問到選角，他透露陳雅倫和旗下童星李馨巧會有份參演︰「自己就做老夫子。（有感情線？）老夫子點可以冇陳小姐。（陳小姐就係陳雅倫？）佢係其中一個女主角啦，不過唔係陳小姐。（有角色畀女友王宝宝？）哈哈哈，我未搵到，如果有個啱嘅我可以cast嚟睇吓嘅。（仲要cast？都咁熟！）哈哈，私人嘢唔講！（係工作！）適合就用啦，唔會特登為佢寫一個角色。」