陳偉成見女怕怕 寧傳斷背
模特兒陳偉成（Avis）與周秀娜分手後，他自言開始怕了女性朋友，笑言寧願傳他是同性戀，亦比傳緋聞好。而來到夏天，Avis除晒肌肉外，更大玩水上活動，但他指一定要安全第一，因他自爆自己曾經有恐怖經歷！
Avis自從與周秀娜分手後，他指未有再跟對方聯絡，對於感情方面他表示：「感情冇諗咁多，依家都唔敢接觸女仔，怕咗！」他表示現在出街活動，都是和一大班男性朋友，問到怕不怕傳他「轉向」變同性戀時，他笑說：「傳我同性戀仲好過傳緋聞！」
平日閒時愛做運動的Avis，趁炎夏就到沙灘着泳裝，大騷身形健碩的時間，對「練大隻」甚有心得的他表示：「其實想練大隻，除咗要勤做Gym，控制飲食都係好重要，千祈唔好食咁多油膩嘢！」
游水抽筋險死
Avis在夏天又會大玩水上活動，他表示最喜歡滑水、游水及曬太陽，但他笑言除了要有靚泳褲外，更重要的是安全第一，他說：「有一次好恐怖嘅經驗！上年第一次去海灘游水時，嗰時食得太飽同冇做熱身，結果喺海中間時有隻腳抽筋，得番一隻腳游到，而且好痛，仲以為自己死梗，好彩最終勉強游到浮波度先冇事！」所以Avis呼籲大家做運動前一定要熱身及不要吃太飽。
採訪：專案組
攝影：黎志輝
服裝：Speedo