顏子菲貪小便宜選亞姐
樣靚身材正的亞姐顏子菲，竟然是「貪小便宜」之人！她笑言2008年來港參選亞姐，全因可免費來港旅行：「我選亞姐前未嚟過香港，喺劇集入面睇到香港嘅街景同小食，覺得香港呢個地方好好玩，但當時我自己無資金去旅行。當知道參選亞姐可以免費嚟港，仲包食包住3個月，所以就決定參選，純粹係貪小便宜當嚟旅行，哈哈！」
當初子菲抱住「玩玩吓」的心態參選，仍能勇奪亞軍，認真是「天注定」！子菲坦言會珍惜在港發展的機會：「我都估唔到自己可以成功當選亞軍，依家我都想專心留喺香港發展，希望將來可以成為一位出色嘅主持，亦想有機會可以嘗試拍吓電影，所以我都努力練好啲廣東話！」
髮型：Tim Chong @ Marek Art of Hair
服裝：bread n butter
場地：MM/H @ 皇室堡