世榮獨自搖滾向家駒致敬

今年對Beyond歌迷來說是一個特別的日子，樂隊成立30周年及家駒離世20周年，自然希望Beyond三子可以再聚首，重拾往日集體回憶。

雖然葉世榮面對強大民意，但依然堅持Beyond已是過去式，更決定最後的人生要玩屬於葉世榮的音樂：「由2000至2003年我哋專心做自己音樂，建立自己嘅嘢，個人成長咗，更有獨立性，一齊工作冇咁順，（有摩擦？）其實係思想有好大分別，所以決定2005年正式告別，專心做自己嘢。」

身為鼓手的世榮承認離開Beyond後更輕鬆。	隨着主音家駒（右二）離世，Beyond永存缺陷。	世榮早前與家強一起為音樂節目錄影。

失隊友徬徨

家駒過身後，Beyond三子特別是家強和黃貫中（Paul）多次被傳不和，近日兩人又再爆發罵戰，而世榮承認失去靈魂人物的Beyond不再完美：「家駒好有智慧，好有領導才能，令大家有依賴性，待人處事方法好好，冇咗佢我哋幾徬徨，我哋要解決問題時好難好快一致，我覺得冇家駒嘅Beyond係有缺陷嘅Beyond。」

由觀眾點唱

他表示7月於九展舉行的音樂騷，除了和久違的香港歌迷見面外，其中會有一個環節會任由台下觀眾點唱紀念家駒，世榮更為此創作了一首《薪火相傳》，將家駒的搖滾精神延續下去。現在主力在內地打拚的世榮被問到脫離Beyond後是否更輕鬆？他直言：「以前係鼓手，要為樂隊負責任；依家係為世榮嘅音樂負責任，對自己負責任點都輕鬆過對人負責任。」

文：音樂組

場地：Wine Chateau

髮型：Matthew＠HQ

化妝：Kei Kei

服裝：Musium Div.、Puma