巫啟賢自嘲在家豬狗不如

馬來西亞歌手巫啟賢相隔2年，將於暑假再來港開個唱，近日為個唱積極準備的他日前抽空上ontv《娛樂on Show》，接受主持人俞詠文訪問。他直言香港歌迷相當熱情，未出場已經好high，故促使他再來港一展歌喉，期間他不忘發揮幽默本色，自嘲年紀大，才迎合今次個唱名稱。

威嚴的背後

雖然巫啟賢外形非常煞食，充滿威嚴，但他原來在家中是「女人湯圓」，笑言經常被「搓圓撳扁」，他笑言可用四隻字「豬狗不如」來形容在家中的地位︰「因為屋企係女兒國，兩個女，老婆加埋工人，全部都係女人，所以我老婆叫我『老公』，我就要過去，個女叫『爸爸』，又要過去，如果行慢兩步，就會話『爸爸你在哪裏！』得工人對我好啲，因為我出糧o架。」

巫啟賢笑言老婆和囡囡叫到即隨傳隨到。

巫啟賢的威嚴背後，原來有自己一套家庭哲理。

絕種好老公

巫啟賢又指不會逆老婆意，簡直是「絕種好老公」，他笑說︰「夫妻之間一定有爭執，但無論點，你唔可以埋怨老婆，話佢唔好，呢啲都唔得。因為咁話佢表示自己無眼光，個老婆自己揀，諗清楚先結婚，所以為咗自己眼光，唔可以埋怨。」

外剛內柔的巫啟賢在家中非常順得人，除了對老婆好到爆外，究竟他又如何跟兩位女兒相處？而他又於訪問中還提到甚麼內容？快啲click入ontv去片，了解不為人知的巫啟賢！

文︰專案組