趙式慶囡囡 遺傳藝術細胞

富商趙世光兒子趙式慶前晚於文化中心欣賞李雲迪音樂會，同場並有周國豐夫婦、名模李嘉慧等。問趙式慶是否很喜愛音樂？他說：「以前讀大學時聽好多，第一次聽李雲迪演奏係10年前喺北京，近年去咗內蒙古後品味轉咗，聽啲少數民族非主流嘅音樂，呢類音樂面臨失傳問題，要努力去幫佢哋保留，希望以後做多啲文化方面嘅活動。」
趙式慶
趙式慶

至於今年父親節會如何慶祝？他說：「父親節我要去內蒙同埋美洲，今次係囝囝出世後第一次走咁耐，要去三星期。（提早慶祝？）唔會喇，每日都係父親節。（培養小朋友藝術方面發展？）我個女好鍾意音樂，咩音樂都聽，又好鍾意跳舞、畫畫，個仔就太細。」囡囡年紀細細已熱愛藝術，他笑言是遺傳了父母的藝術細胞。

周國豐夫婦(右)
  • 周國豐夫婦(右)