蔣怡為Ｂ女揀定男友

懷孕近九個月的名模蔣怡（Coco，圖）昨日出席有線「高清奇妙台」活動，表示下月便會剖腹產女，日子和名字都交由珠寶設計師老公翁狄森決定，但暫改囡囡乳名為「翁翁」。提到她老公說過不想女兒長得太漂亮，Coco說：「我都唔想，好驚大家係咁讚佢靚，佢淨係知咩係靚，咩都唔知。（幫佢揀定男朋友？）搵咗幾個，做咗interview，係朋友嘅囝囝，好cute好sweet！囡囡唔會唔鍾意，唔鍾意可以做朋友。」至於是否已執定細軟入產房？她笑說：「未，工作完仲有一個月可以抖。」還踢爆老公比她還緊張：「佢覺得我唔要命做嘢。」老公亦會陪她入產房，但不會拍DV：「我有職業病，鏡頭對住我我會不停講嘢，哈哈。（老公剪臍帶？）唔好啦，怕佢會驚。」