楊崢見人行騷技癢
名模楊崢前晚擔任學生設計時裝比賽暨時裝騷的特別嘉賓，並頒獎給得獎學生，她大讚學生的設計好靚，可以直接穿着出街：「我都有做過呢啲騷嘅model，其實設計好難，又要度身又要裁剪。」她透露已兩年沒有行騷：「見人行騷會技癢，可能覺得我唔會再行騷，所以冇人搵我，雖然我依家要返電台同寫稿好忙。（係咪徹底轉型？）唔知，你哋覺得呢？（咁耐冇行會唔會生疏？）唔會！做model已經in my blood ，好想再行。」
此外，問到現時感情狀況？她就表示：「有就通知大家，我見到阿Mo（陳豪）宣布結婚，好開心，同佢識咗好多年，上個月佢上我節目做過訪問，幕後人員仲話feel到佢好事近。（幾時到你？）我鍾意閃婚，好浪漫！（有冇閃婚對象？）遇到話你知。」
