郭秀雲搵宣萱荒山探秘
名媛郭秀雲為推廣環境保育訊息，專誠籌辦慈善晚宴，更碌盡人情卡，請來湛琪清、宣萱、周慧敏等人撐場！而將與教育電視合作的她，更希望請宣萱到荒山野嶺拍攝，為環保不遺餘力。
名媛郭秀雲、汪詩詩表妹湛琪清、藝人宣萱、歌手周慧敏等昨日出席環保慈善晚宴，為配合海洋主題，活動發起人郭秀雲更專誠戴了一條掛滿鯊魚公仔的頸鏈，別具心思，她透露將與教育電視合作，推廣環保及深海知識：「我好想請宣萱同我一齊去荒山野嶺拍攝，因為佢完全唔驚，另外一個係方力申。」而有鑒於鯊魚已頻臨絕種危機，她已設計海報呼籲大家別吃魚翅。另外，現場更展示了不少由她製造的海洋雕塑扭蛋玩具，她表示：「我有學開雕塑同畫畫，啲雕塑我花咗兩年時間做，最難係搵專家check外形有冇錯。其實真係好驚訝，好多扭蛋都斷晒市，仲有人扭一set去炒。」
湛琪清恨拍拖
湛琪清以deep V裙上陣，非常性感，將為表姐汪圓圓擔任伴娘的她，坦言會多做運動及吃蔬菜減肥，而恨拍拖的她，更笑言要圓圓介紹男生給她，問到對方是否一定要富二代？她說：「呢個就唔知，心地好我就OK，要對我屋企人好。」
做奸角飯應
而剛從橫店拍劇返港的宣萱明顯發福不少，被問到會否回巢無綫拍劇？她表示：「其實公司有傾，有劇本想搵我，不過推咗。唔想做番類似角色，反而內地劇叫我做奸角，我即刻應承咗。」她坦言王維基亦曾找她拍劇，而她亦曾去探班。另外，周慧敏提到有人冒充成她的內地經理人代她發消息一事，她表示：「其實嗰個人發表嘅文章對我有愛，唔會特別追究。不過我喺內地冇經理人，內地嘅工作都係經香港經理人接。」她又透露將推出福音唱片，並已作好了其中一首歌。
文：名人組