歌手馮允謙（Jay）早前請假返加拿大探望家人及遊玩，他表示逗留了10日，非常開心，又可順道探望住在老人院的嫲嫲，但嫲嫲將他誤認作陌生人，令他哭笑不得，他說：「嫲嫲好老，之前做咗白內障手術，又開始唔認得人，我嗰日入咗佢間房等佢，佢一見到我唔係攬住我，而係大叫『點解有個男人喺我間房？』我聽完唔知好嬲定好笑！」
Jay又坦言此行獲得大量創作靈感：「今次返到加拿大，個人好放鬆，除咗探嫲嫲，仲去咗睇風景，搵到好多創作靈感，相信可以幫到我籌備下張碟。」