陳靜做鬼有發揮
憑《低俗喜劇》獲今屆香港電影金像獎最佳女配角的陳靜（DaDa），早前接了陳果執導的《迷離夜》，在片中三個故事中，她與邵音音合演其中一個。今次演女鬼的DaDa說：「出道至今，搵我拍戲嘅人都想我展示身材，但忽略咗我嘅演技，呢部戲我雖然扮鬼，但可以發揮演技。」
DaDa最近勤練瑜伽，她斷斷續續已學了三個月，時間夾到的話，她會與師妹羅靖琋（Bella）一起上堂。DaDa謂：「以前有健身，但最唔鍾意跑步，學瑜伽可以令身體線條靚啲，又可以減壓，比較啱我。（依家壓力好大？）暫時唔算大，可以承受，之前接嘅戲都係群戲，演員眾多，壓力唔大。我學瑜伽，已經學到可以擘一字馬，之後我有機會拍動作片，身體柔軟度增加對我有幫助。」