黃穎君大學畢業施髮術

無綫藝人黃穎君為迎接大學畢業，早前剪了一頭短髮示人。她說：「我啱啱拍完《On Call 36小時Ⅱ》，唔使再keep住個髮型嚟連戲。撞啱我今年大學畢業（香港大學通識教育），所以轉新Look嚟迎接新轉變。（打算執教鞭教書？）做老師責任好大，足以影響學生嘅一生，所以我想先往外闖，累積多啲唔同嘅人生經驗，咁第時先有經歷同學生分享，畢業後我想先喺無綫拍劇同做主持先。」黃穎君透露曾做實習老師，被大學教授讚她授課時準備充足。