陳志健fit男fit女 唔要大隻
前港男陳志健（Otto）最近將他擅長的健身運動轉化為兒童體能訓練，開班做助教，憑着fit爆身形，成為不少藝人的私人教練，華姐岑麗香、港姐陳庭欣的纖而健體態，亦拜他所賜。
去年底Otto與甘草王羅樂林女兒羅苡之結婚後，計劃三年才生BB，目前雖未有所出，他卻很有耐性向小朋友講解體能訓練，故與朋友開班出任助教，針對訓練年齡三至六歲的小朋友之體能。
Otto在其訓練室訓練兩位小朋友，他們邊學邊玩，在Otto悉心提點協助下，小朋友都能完成不少動作，令Otto很有成功感：「這個身體中軸core的體能訓練，在外國相當流行，希望將呢樣運動引入香港，遲啲想佢成為一種課程，作為個人健身事業一個目標。」
太大舊負荷重
曾與多位男、女藝人合作，女的包括岑麗香、陳庭欣等，她們都愛跟Otto操體能，以達修身之效，男的則有李思捷、錢嘉樂等跟他玩健身，Otto說：「我要參與幕前演出，所keep嘅外形都要有改變，唔想被定型演大隻佬，所以依家trainning大多集中肌肉平均，除衫時要見到肌肉，着衫時要與常人無異，咁就最好！唔再係以前咁大舊，成二百磅、胸肌46吋、關節太負重啦！依家平均番，約140幾磅、40吋胸肌，個人輕鬆好多。」
文：影視組
服裝：Jocky