梁麗翹遊美艷遇恨嫁老外
前港姐梁麗翹（Nicole）五月請假飛返美國度假兼參加細佬大學畢業禮，她深感安慰說：「細佬好獨立、重攞埋獎學金，唔使用我啲錢。（送乜禮物？）我送咗隻比卡超畢業公仔畀佢，因為佢細個好鍾意，係我哋兒時嘅回憶。」
Nicole在當地由朝食到晚，更肥了足足一個碼，她笑謂：「開心到唔想返香港，嗰邊日日陽光普照，今次都見番好多朋友，佢哋車我周圍去唔同嘅餐廳食飯，漢堡包都食咗三日，希望返嚟可以減到七磅，最想瘦下半身。」她又讚外國男仔夠細心，期間四度獲贈鮮花的她笑言：「留喺美國嫁咗佢算啦！」