湯洛雯唔怕重口味
今屆港姐旅遊大使得主湯洛雯（Roxanne）未卸任即被安排拍劇，笑言是新丁的Roxanne，將劇本背得滾瓜爛熟，避免阻礙拍攝進度。她坦言感激公司提攜，會把握每個拍劇機會，更不介意演重口味被姦戲份。
以往香港小姐慣例必須「卸任」後才有拍劇機會，不過近年無綫打破傳統，令未卸任的港姐得到拍劇機會，今屆旅遊大使得主湯洛雯，近期被安排在處境劇《愛．回家》飾演一角，作為電視圈「新丁」的Roxanne坦言壓力甚大：「起初真係好大壓力，拍劇好多時要一take過，所以我背劇本背到滾瓜爛熟，因為我唔想NG阻礙拍攝進度。」近年無綫電視劇以「重口味」見稱，幾乎每套劇都加插強姦戲份，Roxanne表示並不介意：「如果角色需要我OK，我好相信公司（性感底線？）三點式泳衣，但要畀啲時間我減肥。」
星二代有壓力
翻查紀錄，歷屆旅遊大使得主無綫亦會力捧，前有徐淑敏，後有高海寧，Roxanne星途似乎比同屆港姐幸運得多，除拍劇外，更有份跟洪永城主持節目《走過浮華大地》，她坦言非常感激：「好事真係接踵而來，我唔想令公司失望，所以會好好把握每一次機會，真係無諗過選完港姐咁快就可以有幕前工作。」Roxanne入行至今，因父親湯鎮宗而被標籤為星二代，一舉一動亦備受關注，她說：「選香港小姐我好多負面新聞，係嗰陣我EQ高咗好多，依家入咗行負面新聞好啲啦！最感動係有網友睇咗我演出後，話鍾意我喺微博關注我！」
文：專案組
攝：林蔚恩