彭順踩場 教日日上香 張家輝拍鬼片

【蔡志豪馬來西亞直擊】藝人劉心悠於前日在馬來西亞，為張家輝首次執導鬼片《盂蘭神功》開工，但因天氣炎熱令臉部長出粒粒，我見猶憐。拍攝期間，擅於拍攝鬼片的彭順導演突然「踩場」，張家輝笑說：「佢係嚟收陀地o架，比封利是佢就會走。」而彭順則解釋說：「知道家輝嚟咗拍戲，呢度係我地頭咪嚟探吓佢囉。我係佢粉絲咪追到佢嚟呢度囉。」他更提醒張家輝拍鬼片需要每天上香，張家輝聽後驚訝自爆只在首天開工才上香，彭順則說：「如果上咗香場戲唔使拍8個take啦，兩take搞掂。」
劉心悠於馬來西亞拍攝張家輝執導鬼片。
劉心悠於馬來西亞拍攝張家輝執導鬼片。

劉心悠在片場派頭十足，獲工作人員為她開傘遮陰、撥扇、吹風扇和抹汗，她亦笑言感到升級做了皇太后。問到今次拍攝會否有壓力，她說：「首先要克服語言問題，之前一部戲講普通話，所以今次要講廣東話，要調較番先。」劉心悠透露獲朋友求了一樽東西給她保平安，而此行她的母親亦有同行，爭取大家見面時間，孝順的她說：「希望媽媽唔會覺得辛苦。」

擅於拍攝鬼片的彭順現身探班，指自己是張家輝粉絲。
  • 擅於拍攝鬼片的彭順現身探班，指自己是張家輝粉絲。
劉心悠於片場排場勁，笑言升級做皇太后。
  • 劉心悠於片場排場勁，笑言升級做皇太后。