薛凱琪解封重踏勁歌
歌星薛凱琪師妹雷琛瑜（J.Arie）早前被踢出慈善騷，薛凱琪也相繼辭演，當時監製何小慧指無綫自有用人一套，暫時不用薛凱琪。沒料薛凱琪前晚已經迅速「解封」與金牌經理人黃柏高齊齊為《勁歌金曲》錄影，兩人皆齊聲否認太陽娛樂與無綫交惡，強調沒有不和。
早前歌星薛凱琪與師妹雷琛瑜（J.Arie）原本拍檔在無綫慈善騷演出，但J.Arie臨時被踢出慈善騷，薛凱琪也跟隨辭演，加上有傳由薛凱琪等太陽娛樂唱片公司歌手孭飛的《勁歌》也被取消，令太陽娛樂與TVB關係交惡，慈善騷監製何小慧當時表示無綫自有用人機制，暫時唔用薛凱琪，沒料薛凱琪前晚已經迅速「解封」。
否認招攬許廷鏗
薛凱琪前晚與金牌經理人黃柏高（Paco）齊齊為《勁歌金曲》擔任嘉賓，薛凱琪稱其唱片公司與無綫沒有不和，她笑說：「今晚節目講音樂，是非話題唔講，所以冇不和，如果有事就唔會同Paco一齊上嚟啦。」薛凱琪又講到當日辭演是因原定與J.Arie合作表演，但因有調動難以及時準備轉為個人演出才作出辭演。
Paco強調與無綫合作沒有問題，他被問到無綫慈善騷不用J.Arie的原因﹖Paco說：「唔知，佢哋話冇需要，咁我哋都有權提出Fiona唔做，好正常，冇唔愉快，其實我都好明白TVB點解唔要嘅，日後再同新人爭取喺大騷演出。」Paco又否認有意招攬許廷鏗過檔。
樂瞳簽星煥出碟
此外，藝員樂瞳昨晚以歌手身份為《勁歌金曲》擔任嘉賓，樂瞳原來已簽了星煥唱片公司兩年，最近終於有新歌派台，但出碟日期由年頭拖到年中還未有確實日期，她說：「啲歌就一早錄晒，唱片封套都影咗兩年，封面好有型o架，我都幾乎認唔到係自己。」問到樂瞳可覺得唱片公司將資源集中在鍾嘉欣身上而受到忽略，她說：「唔會，公司會適當分配資源，努力做好自己。」
文：影視組