雅曼達唔對稿要真反應

雅曼達昨晚以代言人身份出席國際著名護膚品牌Cle de Peau Beaute的「Radiance．Awaken」晚宴，她甫到場即大受歡迎，名媛翁嘉穗、張燊悅、董晶怡、汪圓圓、汪詩詩、湛琪清等爭相要求合照，雅曼達亦有求必應，期間她因裙尾太長被鞋踭kick住，亦全無怨言，整理好後繼續影相！

嘆無緣暢泳

之後雅曼達上台與主持人陳芷菁對談，表示會在港逗留多兩天，多了解香港文化，因香港天氣炎熱，本有意在泳池暢泳，惜遇上雷暴警告而作罷。她又大讚品牌化妝師化妝技術高超，為她化了個高貴又優雅的妝容！

芷菁則大讚雅曼達專業，平易近人又愛笑：「之前綵排，佢有試咪同走位，但佢唔想對稿，話如果知道問題就唔會有即時反應。」雅曼達被安排第三個出場，仍一早在後台stand by不想別人等她，芷菁讚她實在難得。

子丹恨生B

汪詩詩是雅曼達的粉絲，成功合照十分開心：「2004年她初出道時，我有睇過佢嘅戲，雖然戲份少，已對佢印象好深刻。」二人本來在康城電影節可碰頭，惜各有各忙緣慳一面，慶幸今次在港相見，詩詩說：「佢好好人，周圍同人打招呼，即使食飯期間要求影相，佢都唔介意。」

另外，甄子丹在另一場合被問到今年結婚十周年如何慶祝？他說：「年年都畀驚喜，不如今年公開，公告天下。」又直言想生多個小朋友：「啲小朋友開始大，好懷念佢哋baby嘅時候，太太把口就話拒絕。」詩詩對於老公想生BB，笑言不用理會：「將來玩圓圓嘅小朋友好過，到時子丹做姨丈，身份新鮮啲仲好，我一定唔客氣叫圓圓生多幾個畀我哋玩。」

文：名人組